2024 жылғы 15 наурызда ЛОРД лицейінде жалпы білім беретін пәндер бойынша республикалық олимпиаданың облыстық кезеңінің жеңімпаздары мен жүлдегерлерін салтанатты марапаттау рәсімі өтті. Бұл олимпиаданың мақсаты- дарынды және білімді балалардың қабілеттерін анықтау және нығайту, халықаралық деңгейдегі олимпиадаларға қатысуға ынталандыру болып табылады. ЛОРД лицейінен облыстық кезеңге 40 оқушы қатысып, 33-і жүлделі орынға ие болды: 1-орын -12, 2 орын - 11, 3 орын-10. Олимпиада жеңімпаздары мен жүлдегерлеріне «Қызылжар дарыны» дарынды балалар мен талантты жастарды анықтау және қолдау орталығы «КММ атынан І, ІІ және ІІІ дәрежелі дипломдар мен медальдар, бағалы сыйлықтар табыс етілді. 20 оқушымыз әртүрлі пәндер бойынша Республикалық кезеңге жолдама алып, Астана, Алматы, Павлодар, Атырау, Петропавл қалаларында өтетін олимпиадаға қатысып, облыс намысын қорғайды деп үміттеніп отырмыз. Үздік нәтиже көрсеткен оқушыларымыз бен оларды дайындаған педагогтерге шын жүректен алғыс білдіреміз! Алдағы Республикалық кезеңге сәттілік тілейміз!
