Қазақстан Республикасының Мерекелік күндері-Отан қорғаушылар күні мен Жеңіс Күні қарсаңында, «Жас Ұлан» балалар-жасөспірімдер ұйымының қатарына ЛОРД лицейінің 64 оқушысы қосылды. «Жас Ұлан» ұйымының мақсаты өскелең ұрпақты өз халқына деген сүйіспеншілік пен адалдық, толеранттылық пен бітімгершілік дәстүрлері, білім мен өзін-өзі жетілдіруге деген ұмтылыс негізінде біріктіру болып табылады. Республикалық пәндік олимпиаданың жүлдегерлерін дайындаған лицей педагогтеріне, сондай-ақ жаратылыстану-математикалық және қоғамдық-гуманитарлық бағыттағы пәндер бойынша республикалық олимпиаданың жүлдегер-оқушыларына галстук тағу құрметті берілді.
