ЛОРД лицейінде оқушылардың шығармашылық әлеуетін ашуға, эмоциялық интеллектін дамытуға, өзіне деген сенімділігін арттыруға және көпшілік алдында сөйлеу дағдыларын қалыптастыруға мүмкіндік беретін «Балалар және театр» жобасы жүзеге асырылуда. Жоба балалардың театр өнерімен танысып, командамен жұмыс істеп, сахналық қойылымдар мен шығармашылық мастер-классқа қатысып, сондай-ақ ойын мен көркемдік бейнелеу арқылы өзін және айналасындағы адамдарды тереңірек түсінуіне көмектеседі. Оқу жылының соңғы аптасында 5б сынып оқушылары көрермендерге «Буратино в стране вежливости» атты театрландырылған қойылым ұсынды. Бұл қойылым барлық қатысушылар мен көрермендерге жағымды әсер сыйлады.
