Бауыржан Момышұлының туғанына 115 жыл толуына орай лицей кітапханасында тақырыптық буклет дайындалып, оның шығармаларының кітап көрмесі ұйымдастырылды. Бауыржан Момышұлы — аңызға айналған қолбасшы, Кеңес Одағының Батыры, әскери қайраткер, жазушы, гвардия полковнигі. Ол Отан соғысы жылдарындағы ерлігі үшін көптеген мемлекеттік наградалармен марапатталған. Батырдың өмір жолы мен шығармашылығы — ерлікке, отансүйгіштікке және рухани беріктікке толы тағылымды мұра. Ол тірі кезінде-ақ аңызға айналып, теңдессіз батылдықтың, өз халқына деген шексіз сүйіспеншіліктің, өз ісіне адалдық пен принципшілдіктің символы болды. Соғыс батыры, әскери ғылымды дамытуға зор үлес қосқан талантты офицер, өз тегін мақтан тұтқан халқының ұлы перзенті.
