Мұғалімдер күні мерекесі қарсаңында оқушылар мен ұстаздардың бірлескен іс-әрекетін ұйымдастыру арқылы білім алушылардың әлеуметтік құзыретті тұлғасын дамытуға жағдай жасау мақсатында лицейімізде Дублер күні өтті. Бұл күні 11-сынып оқушылары өздерін ұстаз рөлінде сынап көріп, педагогикалық еңбектің бүкіл жауапкершілігі мен маңыздылығын сезінді. Оқушылар сабақтарды дайындап, өткізіп қана қоймай, тәрбие сағаттарын да ұйымдастырып, бастамашылдық пен шығармашылық, көшбасшылық қабілеттерін көрсете білді. Дублер күні ұстаз еңбегіне құрмет, өзара түсіністік пен педагогикалық шеберліктің шынайы мерекесіне айналды және «Ұстаздар күнімен!» атты салтанатты концертпен қорытындыланды.
