Қыркүйек айының екінші жексенбісінде Қазақстанда Отбасы күні аталып өтіледі. Бұл мереке бізге туыстарымыздың, жақындарымыздың қадірін, әрбір отбасындағы сыйластықтың, өзара түсіністік пен қолдаудың маңыздылығын еске салады. Осыған орай лицейіміздің бастауыш сынып оқушылары «Отбасы – тәрбиенің алтын бесігі» атты челленджге қатысты. Мұндай іс-шаралар балаларға отбасының – адам өміріндегі ең қымбат қазына екенін түсінуге көмектеседі. Отбасында мейірімділік, үлкенге құрмет, бір-біріне қамқор болу, сүйіспеншілік, жауапкершілік пен дәстүрді сақтау сияқты маңызды құндылықтар қалыптасады. Дәл осы құндылықтар әрбір баланың болашағына берік негіз болады.
