Экскурсия барысында балалар өрт сөндірушілердің қаланы өрттен қорғауда қолданатын арнайы техникалары мен жабдықтарымен танысты. Мұражайда оларға адамдар мен жануарлардың өмірін сақтап қалу үшін ерлік көрсететін өрт сөндірушілердің еңбегі мен батырлығы туралы айтылды.
Сонымен қатар оқушыларға қауіпсіздік ережелері мен алдын алу шаралары, әсіресе жаз мезгілінде сақталуы тиіс талаптар көрнекі түрде түсіндірілді.
Балалардың ерекше қызығушылығын заманауи өрт сөндіру көліктері тудырды. Экскурсия адам қауіпсіздігі ең алдымен өзінің жауапкершілігі екенін көрсетті.
